ករណីថ្មីទៀតហើយ! សិស្សសាលាអន្តរជាតិអាមេរិ​កាំ​ង ​AIS ២នាក់ណាត់គ្នាវាយត​ប់គ្នា បណ្តាលឲ្យស្លាប់ម្នាក់!

65

ភ្នំពេញ : យុវសិស្សម្នាក់ រៀននៅសាលាអន្តរជាតិអាមេរិ​កាំ​ង ​AIS ត្រូវ​មិត្តភក្តិវាយរ​ហូត​ដល់​ស្លាប់ ពេលបញ្ជូលមកដល់​ម​ន្ទីរ​ពេទ្យមិ​ត្តភា​ព​ខ្មែរសូវៀត ។
​បង្កការភ្ញាក់ផ្អើលកាលវេ​លា​ម៉ោង៤​រសៀល ថ្ងៃទី១៨ ខែមករា ឆ្នាំ២០២០ នៅចំណុចផ្លូវ៤៣​០ ភូមិ២ សង្កាត់ទំនប់​ទឹក ខណ្ឌបឹង​កេង​កង ។

ប្រភពពីមិត្តភក្តិ បានឲ្យដឹងថា មុនកើតហេតុ មានទំនាស់ពាក្យសំដី​ជា​មួយ​មិត្តភក្តិ ដែលរៀននៅថ្នាក់ជាមួយ​គ្នា​ ដោយប្រើសំដីអា​មឹ​ង ហើយណាត់គ្នា វាយ​​គ្នា ​មួយ​​ទល់​មួយ នៅមុខសាលាផ្លូវ៤៣​០​ ជនរងគ្រោះត្រូវដៃគូ​ទំ​នាស់​វា​យមួយដៃ​ចំដើម​ទ្រូង និងក បណ្តាលឲ្យ​ចុកណែន ហើយត្រូវមិត្តភក្តិ​រួមថ្នាក់ ដឹកយកទៅសង្គ្រោះនៅមន្ទីរ​ពេ​ទ្យរុ​ស្ស៊ី ប៉ុន្តែត្រូវបានគ្រូពេទ្យប្រា​ប់​ថា ជនរងគ្រោះបានស្លាប់ទៅហើយ ។ ភ្លាមៗជនដៃដល់ដែលមានអា​យុត្រឹម​១​៥ឆ្នាំនោះ ក៏បានគេចខ្លួនផងដែរ ​​។
បច្ចុប្បន្នសមត្ថកិច្ចន​គ​របាល​ខណ្ឌបឹ​ង​កេងកង បានឃាត់ខ្លួនជនដៃដល់ យកមកផ្តន្ទាទោសតា​ម​ច្បាប់​ ។

សមត្ថកិច្ចបានឲ្យដឹ​ងថា មុនកើតហេតុ មានសន្តិសុខមន្ទី​រ​ពេទ្យរុស្ស៊ីបាន​រាយ​ការណ៍ មកអា​ជ្ញាធរថា យុវសិស្សម្នា​ក់​ស្លាប់ ពេលដាក់ម៉ូតូ​បញ្ជូល​មក​ដល់ពេទ្យ ហើយក្រោយមកក៏ន​គ​របា​លប៉ុស្តិ៍ បានចាត់កម្លាំងចុះទៅ​ដ​ល់ម​ន្ទីរពេទ្យ និងសាកសួរនាំយុ​វ​ជនម្នាក់ ពីដំណើររឿងបង្កហិ​ង្សា រហូតបណ្ដាលឲ្យមានមនុស្សស្លា​ប់យុ​វជនម្នាក់ អាយុ១​៥ឆ្នាំ រៀនថ្នាក់ទី៩ ( ឃ)។ បច្ចុប្បន្នសពតម្កល់នៅ​សាលម​ន្ទីរពេទ្យរង់ចាំផ្នែកជំនាញ កោសល្យវិច័យស្នងការ​រាជ​ធានី​ភ្នំពេញ ដើម្បីរកមូលហេ​តុ និងស្រាវជ្រាវរក​ជ​នដៃដល់ យកមកសាកសួរនាំ​ ​៕