អាចទេ! វេជ្ចបណ្ឌិតខ្មែរ២នាក់ស្ម័គ្រចិត្ត និងស្នើរសុំសម្តេចតេជោ ធ្វើដំណើរទៅទីក្រុងវូហានដើម្បីជួយព្យាបាលអ្នកជំងឺវីរុសកូរ៉ូណា (មានវីដេអូ)

1336

សូម​គោរព​ជូន​សម្តេច​តេជោ​ ហ៊ុន​ សែន​ នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​ ជាទី​គោរព​ដ៏​ខ្ពង់ខ្ពស់​ យេីង​ខ្ញុំ​ទាំង​ពីរ​វេជ្ជបណ្ឌិត​ សុខា​ ដារា​ពិសិដ្ឋ​ ភេទប្រុស​ និង​ សុខា​ អរុណ​ ភេទប្រុស​ សមាជិក​សមាគម​គ្រូ​ពេទ្យ​ស្ម័គ្រចិត្ត​សម្តេច​តេជោ​ និង​ជា​ក្រុម​គ្រូពេទ្យ​ស្ម័គ្រចិត្ត​របស់​អង្គការ​ YUNDI ដែលជា​អង្គការ​ក្រៅ​រដ្ឋាភិបាល​របស់​ប្រទេស​ចិន។

ដោយសារ​កូនមេីលឃេីញពី​ទុក្ខ​លំបាក​របស់​ប្រជាជន​ចិន​ និងខ្មែរដែល​ស្ថិត​នៅ​ទីក្រុង​ វូហាន​ និង​ប្រទេស​ចិន​ទាំង​មូលដែលកំពុងរងការ​វាយ​ប្រហារ​ពី​មេរោគ​កូរ៉ូណាថ្មី​ដែល​បញ្ហា​នេះ​បង្ក​ឲ្យ​ពិភពលោក​កំពុង​ព្រួយ​បារម្ភ​ជាខ្លាំង​ការ​រីករាលដាលនៃ​ជំងឺ​នេះ។ ក្នុង​ខណៈ​នេះ​ ក្នុង​នាម​កូន​ដែល​ជា​គ្រូ​ពេទ្យ​នៃ​ព្រះរាជាណាចក្រ​កម្ពុជា​

ដែលមាន​សម្តេច​អគ្គមហាសេនាបតី​តេជោ​ ហ៊ុន​ សែន​ ជាប្រមុខ​រាជ​រដ្ឋាភិបាល​ កូន​ទាំង​ពីរ​នាក់មិនអាចឈរ​អោបដៃមេីល​ប្រជាជន​ចិន​ និង​ខ្មែរ​ ដែល​កំពុង​ត្រូវ​ការ​ជំនួយ​វេជ្ជសាស្ត្រ​ជាបន្ទាន់​បានឡេីយ។ ដូចនេះ​ហើយ​ កូនទាំងពីរនាក់​បានសម្រេច​ចិត្ត​ ស្នេីសុំ​គោលការណ៍​អនុញ្ញាត​ពី​សម្តេច​ពុក​ ដេីម្បី​ធ្វើ​ជា​គ្រូ​ពេទ្យ​តំណាង​ឲ្យ​ប្រទេស​កម្ពុជា​ធ្វើ​ដំណើរ​ទៅ​កាន់​ទីក្រុង​ វូហាន​ ដេីម្បី​ចូល​រួម​ជួយ​ព្យាបាល​ជូន​ទាំង​ប្រជាជន​ចិន​ និងខ្មែរដែល​កំពុង​ស្ថិត​នៅ​ទីនោះ​ ស្របពេល​ដែល​ប្រទេស​មួយ​ចំនួន​បាន​ជម្លៀស​ប្រជាជន​ និងបិទមិនអោយ​ធ្វើ​ដំណើរ​ចេញ​ចូលនិង​ឆ្លងកាត់​។

កូន​ទាំង​ពីរ​នាក់​ពិត​ជាយល់ស្របជាមួយ​អនុសាសន៍​ដ៏ខ្ពង់ខ្ពស់​របស់​សម្ដេច​ពុក​ ដែលបាន​លេីកឡេីង​ថា​ “ស្រលាញ់គ្នា​ក្នុង​គ្រា​ក្រ​ ហេីយ​ក៏​មិនរត់ចោលគ្នាក្នុង​គ្រាអាសន្នលំបាកឡេីយ​ កម្ពុជា​មិនរត់ចោលចិនឡេីយ”។ សម្តេច​ពុក​ហ៊ាន​ប្រយុទ្ធ​រួម​សុខទុក្ខ​ជាមួយ​គ្នា​ កូនទាំងពីរនាក់​ក៏​ស្ម័គ្រចិត្ត​រួម​សុខទុក្ខ​ជាមួយ​សម្តេច​ពុក​ផងដែរ​។



សូមទស្សនាវីដេអូខាងក្រោម