គាំទ្រពេញទំហឹង! សម្ដេចតេជោ ប្រកាសកាត់បន្ថយនាំចូលបន្លែសាច់ មកបង្កើនការដាំដុះ ចិញ្ចឹមក្នុងស្រុកវិញ

1817

ថ្លែងនៅក្នុងឱកាសអញ្ជើញប្រគល់សញ្ញាបត្រដល់​គរុសិស្ស ​គរុនិស្សិត​ ​នៅវិទ្យាស្ថានជាតិអប់រំ​ នៅព្រឹកថ្ងៃ ​ទី១៨ ខែកុម្ភៈ ឆ្នាំ២០២០នេះ តេជោ​ ហ៊ុន សែន​​ នាយករដ្ឋមន្រ្តី​​នៃព្រះរាជាណាចក្រ​​កម្ពុជា​​បានប្រកាសថា នឹង​កាត់បន្ថយការនាំបន្លែ ​និង សាច់ពីប្រទេសខាងក្រៅ ​ហើយងាកមកបង្កើនការដាំដុះ និងការចិញ្ចឹម​នៅក្នុងស្រុកដោយមិនតម្រូវឲ្យប្រើគីមីច្រើន​ ។ សម្ដេចនាយករដ្ឋមន្ត្រីបានប្រកាសបែបនេះស្របពេលដែលបច្ចុប្បន្ននេះ បន្លែ និងភោគផលមួយចំនួនរបស់កសិករខ្មែរកំពុងធ្លាក់តម្លៃ និងមួយចំនួនត្រូវបាននាំចូលពីបណ្ដាប្រទេសជិតខាងដូចជា វៀតណាម និងថៃជាដើម ។

ការប្រកាសកាត់បន្ថយការនាំចូល និងមកបង្កើន លើកស្ទួយផលិតផលក្នុងស្រុកនេះបានធ្វើឱ្យមានការសាទរជាខ្លាំងពីប្រជាកសិករ និងប្រជាពលរដ្ឋខ្មែរ ។ សម្ដេចតេជោ ហ៊ុន សែន បញ្ជាក់ថាចាប់ពីពេលនេះតទៅ​ នឹងត្រូវបំផុស​ឱ្យ​ប្រជាពលរដ្ឋខ្មែរ​​ធ្វើការដាំដុះដោយមិនឲ្យប្រើសារធាតុគីមី ​និងត្រូវ​កាត់​បន្ថយ ការនាំចូល​​ពី​​ប្រទេសខាងក្រៅដែលបានប្រើប្រាស់គីមីច្រើន ៕