បុរសម្នាក់ សម្លាប់ខ្លួនភ្លាមៗ ក្រោយអាជ្ញាធរខេត្តព្រះសីហនុ ប្រើធម៌ក្តៅរុះរើផ្ទះរបស់គាត់ រស់នៅជាង១០ឆ្នាំ

1288

​ព្រះសីហនុ​៖​ ​បុរស​ម្នាក់​ ​បានសម្រេច​ចិត្ត​សម្លាប់​ខ្លួ​នភ្លាមៗ​ ​ក្រោយពី​ក្រុម​ហ៊ុន​អេ​វើហ្គ្រីន​ ​ដោយមាន​ការចូលរួម​ពី​មន្ត្រី​មន្ទី​បរិស្ថាន​ខេត្ត​ព្រះសីហនុ​ ​និង​កម្លាំង​ចម្រុះ​ ​បាន​មក​រុះរើ​ក​ម្ទេស​ផ្ទះ​របស់​គាត់​ ​និង​ធ្វើការ​បណ្ដេញចេញ​ពី​ដី​ដែល​គាត់​ធ្លាប់​រស់នៅ​ជាង​ ​១០ឆ្នាំ​មក​ហើយ​។​ ​ហេតុការណ៍​នេះ​ ​បាន​កើតឡើង​នៅ​ព្រឹក​ថ្ងៃទី២២​ ​ខែតុលា​ ​ឆ្នាំ២០១៩នេះ​ ​នៅ​ខេត្ត​ព្រះសីហនុ​។​



​ព័ត៌មាន​បឋម​ពី​កន្លែង​កើតហេតុ​បានឱ្យ​ដឹង​ថា​ ​មូលហេតុ​ដែល​បុរស​រូប​នេះ​ ​បានសម្រេច​ចិត្ត​សម្លាប់​ខ្លួននេះ​ ​ដោយសារ​គ្មាន​កន្លែង​រស់នៅ​ទើប​សុខចិត្ត​ធ្វើបែប​នេះ​។​ ​ជនរងគ្រោះ​ ​មានឈ្មោះ​ ​វិន​ ​ភេទប្រុស​ ​អាយុ​ ​៣៤ឆ្នាំ​ ​មាន​ទីលំនៅ​ភូមិ​ស្មាច់​ដែង​ ​ឃុំ​រាម​ ​ស្រុក​ព្រៃនប់​ ​ខេត្ត​ព្រះសីហនុ​។​ ​ករណីនេះ​ ​មិនទាន់​ការ​បំភ្លឺ​ពី​សមត្ថកិច្ច​ពាក់ព័ន្ធ​នៅឡើយ​នោះ​ទេ​៕​