ជយ័យោឈ្នះហើយៗ កីឡាការិនីកម្ពុជា ខាន់ ចេសា​ បានយកឈ្នះ កីឡាការិនីវៀតណាមហើយ ដែលនឹងឡើងទៅវគ្គ

49

ព្រឹត្តិការណ៍​ប្រកួត​កីឡា​ដ៏​ធំ​ប្រចាំ​តំបន់​អាស៊ាន SEA Games ដែល​ហ្វីលីពីន​ធ្វើ​ម្ចាស់ផ្ទះ​ឆ្នាំនេះ ត្រូវ​បានបើក​ការប្រកួត​ផ្លូវការ​នៅ​យប់​ថ្ងៃទី​៣០ ខែវិច្ឆិកា ឆ្នាំ​២០១៩​នេះ។ ការប្រកួត​កីឡា​ស៊ី​ហ្គេម​ឆ្នាំនេះ​ ប្រព្រឹត្តទៅ​ចាប់ពី​ថ្ងៃទី​៣០ ខែវិច្ឆិកា ដល់​ថ្ងៃទី​១១ ខែធ្នូ ឆ្នាំ​២០១៩​​។ ឆ្នាំនេះ​មាន​អត្ត​ព​លិ​ក​ជិត​៦​ពាន់​នាក់​ ដែលមកពី​១១​ប្រទេស​ចូលរួម​ ពួកគេ​ត្រូវ​ប្រកួតប្រជែង​លើ​៥៦​ប្រភេទ​កីឡា ខណៈ​កម្ពុជា​បញ្ជូន​អត្ត​ព​លិ​ក​៣១​ប្រភេទ​កីឡា​ឲ្យ​ចូលរួម​។

នៅថ្ងៃនេះ​ដែរ​ សូមចូល​រួមអបអរសាទរ និងកោតសរសើរជាខ្លាំងដល់កីឡាការិនីជឺជិតស៊ូកម្ពុជា ខាន់ ចេសា ដែលបានខំ​តស៊ូ​យ៉ាង​ស្វិតស្វាញ​ក្នុង​ការ​ប្រកួត​ប្រជែងជាមួយកីឡាការិនី​ ប្រទេស​វៀតណាម​ រហូតទទួលបាន​ជ័យ​ជម្នះ​ ដោយ​បានយកឈ្នះ​​ ក្នុងព្រឹត្តិការណ៍កីឡា SEA Games 2019 នៅប្រទេសហ្វីលីពីន​ ។

បេីយោងតាម​រយៈ​គណនី​ហ្វេសប៊ុក​ផេក​ឈ្មោះ​ Cambodia Sea Game 2023 បាន​មានការ​លេីកឡេីង​បញ្ជាក់​ឲ្យ​ដឹង​យ៉ាង​ដូច្នេះ​ថា៖«កីឡាស៊ីហ្គេម លើកទី៣០ ប្រទេសហ្វីលីពីន​ កីឡាការិនីជឺជិតស៊ូកម្ពុជា ខាន់ ចេសា ឈ្នះកីឡាការិនី វៀតណាម ឡើងទៅវគ្គពាក់កណ្តាលផ្តាច់ព្រ័ត្រ នៅមុននេះបន្តិច»។ គូសបញ្ជាក់​ថា​ កីឡាការិនីជឺជិតស៊ូដ៏ឆ្នើមរបស់កម្ពុជា ខាន់ ចេសា បានទម្លាក់កីឡាការិនីវៀតណាម ដោយលទ្ធផល ១០០-០ពិន្ទុ ។

ទន្ទឹម​នឹង​នេះ​ដែរ​ ប្រជាពលរដ្ឋ​ខ្មែរ​នៅ​ទូទាំងប្រទេស​ និង​ជុំវិញ​ពិភពលោក​ បានមាន​មោទនភាព​ និង​បានសម្តែងនូវ​អារម្មណ៍​រំភើប​រីករាយ​ជាខ្លាំង​ ​ដែល​កីឡាការិនីជឺជិតស៊ូកម្ពុជា ខាន់ ចេសា​ បានយក​ឈ្នះ​ដៃ​គូ​ប្រកួត​របស់​ខ្លួន​ ឆ្លងចូល​វគ្គ​ពាក់កណ្ដាល​ផ្ដាច់ព្រ័ត្រ​ ក្នុងព្រឹត្តិការណ៍កីឡា SEA Games 2019 នៅប្រទេសហ្វីលីពីន​ ពិតជា​អស្ចារ្យ​ខ្លាំង​ណាស់​។