សូមស៊ែរបន្ទាន់ ​ទីក្រុង​ធំៗជាច្រើន នឹងលិចក្រោមសមុទ្រ ចំណែកវៀតណាមខាងត្បូង​លិចទាំងស្រុង

ការសិក្សាថ្មីមួយចេញផ្សាយក្នុងសប្តាហ៍នេះបានបង្ហាញថា មនុស្សយ៉ាងតិច ១៥០លាននាក់ដែលកំពុងតែរស់នៅលើដែនដី ​នឹងត្រូវជន់លិចនៅដោយទឹកសមុទ្រនៅឆ្នាំ២០៥០ នៅពេលទឹកជោរ ខណះការប៉ាន់ស្មានកន្លងមកធ្លាប់ត្រូវគេជឿជាក់ថា ត្រឹមតែខ្ទង់ ៣៨លាននាក់ប៉ុណ្ណោះ។ នេះបើយោងតាមការចេញផ្សាយចេញពីសារព័ត៌មាន CNN នៅរសៀលថ្ងៃព្រហស្បតិ៍ ទី៣១ ខែតុលា ឆ្នាំ២០១៩។

​​​​យោងតាមទិន្នន័យនៃសិក្សាថ្មីដោយក្រុមអ្នកវិទ្យាសាស្រ្តនៃអង្គការ Climate Central ៧០ភាគរយនៃអ្នកដែលត្រូវប្រឈមមុខ ជាមួយហានិភ័យនៃការជន់លិចជារៀងរាល់ឆ្នាំ និងការជន់លិចជាអចិន្ត្រៃយតែម្តងនោះ គឺស្ថិតនៅប្រទេសចំនួន​​៨នៃតំបន់អាស៊ីដូចជា ចិន បង់ក្លាដែស ឥណ្ឌា វៀតណាម ឥណ្ឌូណេស៊ី ថៃ ហ្វីលីពីន និងជប៉ុន។

ទីក្រុងធំៗរបស់ចិនដែលស្ថិតលើសណ្ឋានដីវាលទំនៀប ហើយនៅជាប់តំបន់ឆ្នេរដូចជា សៀងហៃ (Shanghai) ធានជិន (Tianjin) និងហុងកុង (Hong Kong) ​គឺសុទ្ធតែងាយរងគ្រោះជាងគេ។

រដ្ឋធានីហាណូយរបស់វៀតណាម​ខាងត្បូង អាចបាត់ស្រមោលទាំងស្រុង។ ប្រជាជនជាង​២០ លាននាក់នៅក្នុងប្រទេសវៀតណាម ដែលស្ទើរតែស្មើមួយភាគបួននៃចំនួនប្រជាជនសរុប សព្វថ្ងៃកំពុងរស់នៅលើដី ដែលនឹងលិចក្រោមសមុទ្រនាពេលអនាគត ភាគច្រើននៃទីក្រុងហូជីមិញដែលជាមជ្ឈមណ្ឌលសេដ្ឋកិច្ចរបស់ជាតិវៀតណាមនឹងរលាយបាត់ស្រមោល់។ ​

ក្នុងប្រទេសថៃ ប្រជាជនជាង ១០ ភាគរយបច្ចុប្បន្នរស់នៅលើដី ដែលទំនងជានឹងត្រូវលិចលង់នៅឆ្នាំ ២០៥០ ប្រៀបធៀបទៅនឹងការព្យាករណ៍មុនគឺមានតែ១​ភាគរយប៉ុណ្ណោះ។ រាជធានីនយោបាយនិងពាណិជ្ជកម្មបាងកកគឺងាយរងគ្រោះលិចលង់ខ្លាំងបំផុត។ ទីក្រុងផ្សេងទៀតដែលនឹងត្រូវលិចលង់ក្នុងឆ្នាំ២០៥០ដែរនោះរួមមាន​ រដ្ឋធានីដាការបស់បង់ក្លាដែស និងទីក្រុង កូលកាតា (Kolkata) របស់ឥណ្ឌា។ ប្រភពពីTVFB