ក្តៅៗ! រត់​ជាន់​គ្នាស្លាប់៣៥នាក់​ ​របួស៤៨នាក់ ក្នុងពិធីដង្ហែសពមេបញ្ជាការ​អ៊ី​រ៉​ង់ (មានវីដេអូ)

10939

ទូរទស្សន៍​រដ្ឋ​អ៊ី​រ៉​ង់ បាន​រាយការណ៍​ថា យ៉ាង​ហោច​ណាស់​មនុស្ស​៣៥​នាក់​បាន​ស្លាប់ និង​៤៨​នាក់ បាន​រង​របួស​នៅ​ក្នុង​ការ​រត់​ជាន់​គ្នា នៅ​ពេល​ដង្ហែ​សព​មេបញ្ជាការ​យោធា​លោក​ឧត្តមសេនីយ៍ឯក Qasem Soleimani ដែល​ត្រូវ​បាន​សម្លាប់ ទៅ​បញ្ចុះ​នៅ​ឯ​ស្រុក​កំណើត​របស់​លោក ក្នុង​ទីក្រុង Kerman ។​

​វី​ដេ​អូ​ដែល​បាន​បង្ហោះ​នៅ​លើ​បណ្តាញ​សង្គម​បាន​បង្ហាញ​ពី​ជនជាតិ​អ៊ី​រ៉​ង់​រាប់​ពាន់​រាប់​សែន​នាក់ ដែល​បាន​ចូលរួម​ការ​ដង្ហែ​សព​លោក​សូឡី​ម៉ា​ន អ្នកខ្លះ​បាន​ដួល​សន្លប់ ហើយ​មាន​អ្នក​ប៉ុនប៉ង​ជួយ​សង្គ្រោះ​អ្នក​សន្លប់​នៅ​ក្នុង​ក្បួន​នោះ ស្រាប់តែ​មានការ​រត់​ប្រសេចប្រសាច​ឡើង រហូត​ដល់​ជាន់​គ្នា​បណ្តាល​ឲ្យ​ស្លាប់ និង​របួស​តែ​ម្តង ។​

​នៅ​ព្រឹក​ថ្ងៃ​ទី​៧ មក​រា ២០២០​នេះ ការ​ចាក់​ផ្សាយ​លើ​កញ្ចក់​ទូរទស្សន៍​រដ្ឋ​អ៊ី​រ៉​ង់ បាន​បង្ហាញ​ពី​ចំនួន អ្នក​កាន់ទុក្ខ​នៅ​ក្នុង​ទីក្រុង Kerman ដែល​មាន​ប្រជាជន​ប្រមាណ ៥៣០.០០០​នាក់ ។

ខាងក្រោម​នេះ ជា​វី​ដេ​អូ​របស់​ជនជាតិ​អ៊ី​រ៉​ង់​ដែល​ស្លាប់​និង​របួស ក្នុងការ​រត់​ជាន់​គ្នាក្នុងពិធីដង្ហែសព​ ៖

ប្រភព KBN